Comisión Permanente

A Comisión Permanente réxese segundo o establecido no capítulo terceiro do Regulamento de Réxime Interno da EEI. A Comisión Permanente resolverá os asuntos que expresamente lle transfira a Xunta de Escola, á que dará conta das súas actuacións. Asemade, velará polo cumprimento das decisión da Xunta de Escola.

Competencias da Comisión Permanente

A Comisión Permanente ten competencias nos seguintes asuntos:

1. Organización da actividade académica da Escola.
2. Plan Docente Anual (PDA) e Plan de Organización Docente (POD).
3. Horarios de clases teóricas e laboratorio.
4. Calendario de probas de avaliación.
5. Normativa do Traballo de Fin de Grado, do Proxecto de Fin de Carreira e do Traballo de Fin de Mestrado.
6. Guía Académica da Escola.
7. Aprobación de cursos de formación, cursos complementarios e cursos asimilables.
8. Seguimento das titulacións oficiais impartidas pola Escola.
9. Informar as peticións de recoñecemento de quinquenios de docencia.
10. Supervisión do cumprimento das obrigas docentes.
11. Tribunais extraordinarios dos exames e probas de avaliación.
12. Validacións, adaptacións, renuncias, avaliacións curriculares e procedementos asimilables.
13. Normativa para a realización das probas de conxunto para a homologación de títulos.
14. Guías docentes e, no seu caso, os programas de cada materia.
15. Supervisión do cumprimento dos dereitos e deberes dos alumnos da Escola no ámbito de competencias da mesma.
16. Reparto do orzamento da Escola.
17. Elaboración da memoria económica anual para a súa presentación diante da Xunta de Escola.
18. Desenvolver iniciativas para conseguir fondos financeiros para a Escola de institucións externas á Universidade.
19. Resolver os asuntos de trámite.
20. Adoptar acordos sobre os asuntos que lle fosen delegados pola Xunta de Escola.
21. Exercer todas aquelas funcións que delegue nela a Xunta de Escola.
22.  Pronunciarse sobre tódolos asuntos de competencia directa do Director, que éste someta á súa consideración.

Composición da Comisión Permanente

A Comisión Permanente está formada por 27 membros:

1. O director da Escola, que a presidirá.
2. O secretario da Escola que o será tamén da propia Comisión Permanente.
3. Tres subdirectores designados polo Director segundo os temas a tratar.
4. Quince representantes do persoal docente e investigador, dos cales alomenos doce serán profesores con vinculación permanente á Universidade (PDI).
5. Cinco representantes do alumnado.
6. Dous representantes do persoal de administración e servizos (PAS).

Os membros da Comisión Permanente poderán ser substituídos en cada caso dentro do seu sector. De tódolos xeitos tanto os membros titulares como os suplentes deberán ser membros da Xunta de Escola.

Composición actual da Comisión Permanente

Dende o 20 de febreiro de 2012, a composición da Comisión Permanente é a seguinte:

Documentos e enlaces